Urtearen estreinaldiak eta igartzeko zailak diren uretan berriz ere murgildu behar izateak ezinegona dakarkiote erantzukizun apurreko edozein izpiritu arduratsuri. Gure ingurura begiratu eta mundua oraindik ere presio-eltze bat eta handikien haran jasanezin bat dela ulertzea ez da proba zaila. Bi hanken gainean tentetzen hasi ginenean bezain arduragabeak izaten jarraitzen dugu.
Hartu makulua eta ibili, esango lioke Bibliako esaldiak, ezezagunaren aurrean abenturei ekin behar dien zalantzakorrari, azken hori gainditzen duen ezinegonari erreparatuz. Baina ibili! Ibili lagun hurkoaren ondoan, ukondoz ukondo, oihan basatian ezkutatu gabe, ihesean ezer gutxi aurreratuko baitu zalantzaz eta beldurrez beterikoak.
Eta lasai ibili, atseden hartu behar dugunean, itxaropena berreskuratu ahal izateko moduko gerizperen bat aurkituko baitugu. Bitartean, jarrai dezagun bidea egiten, zer den oso ondo jakin gabe ere, hainbeste erakartzen gaituen horren bila. Lagun hurkoarekin ukondoz ukondo idatzi dut, eta ez hura ukondoarekin joaz. Ez da berdina.
Argazkia: JMVM
Batzuetan zure idatziak bi bider irakurri behar dut. Ideia sakonegiak ala nire burua zaharregia.
ErantzunEzabatu... ala nirea, adinak lausotua!! Eskerrik asko Anton irakurtzeagatik!!
Ezabatu