Bi heriotzaren berri eman didazu azken zazpi
hilabeteotan: Carmelo lagunarena...eta zerorrena. Sekulako lasaitasunez
adierazi zenidan hura gure arteko azken elkarrizketa zela, eta auskalo norako
bidaiarako guztiz prest zeundela. Zirraragarria gertatu zitzaidan nire eskuetan
jarri zenuen papera: “Josemari, merezi izan du. Eskerrik beroenak, Eusebio”
Eta erantzun behar dizut zuzen zeundela, guztiz merezi izan baitu... zure
moduko pertsona bat ezagutzeak. Zure adiskide eta bidaikide izateak harro
sentiarazi nau. Merezi izan du etorkizunari buruzko espazioak elkarrekin esploratzeak,
nahiz eta norantz goazen igarri gabe utzi dugun. Baina horixe da geroa, inondik
ere heltzerik uzten ez digun galdegaia. Merezi izan du gure hizkuntzaren gaineko
ibilbide malkartsuan barrena ukondoz ukondo egiteak, Oiartzungo arrasatearra
zinenaren eta Aramaioko arrasatearra naizenaren abiapuntuak desberdinak
bagenituen ere. Merezi izan du, bihotzez, azken-azken orduraino erakutsi
didazun bezala, bizitzari baikortasunetik begiratzeak, irakurtze, idazte,
hausnartze, paseatze edota musika entzutearen bitartez.
Zure azken hitzak Mertxe emaztearentzat izan dituzu, bilobek inguratuta: zerua
ematen du, eta gainera zurekin!! esan diozu. Ederra. Eta joan egin zara, bakean.
Merezi izan du, Eusebio, bai noski!
Zuk ezagutarazi zenidan “Radio Swiss classic” entzuten ari naiz lerro hauek
idaztean, Maurice Ravelen sol maiorreko Kontzertuaren adagioa. Zoragarria.
Aurrerantzean irrati horrekin konektatzen dudan bakoitzean zuganantz zuzenduko
dut gogoa, eta agintzen dizut ahaleginak egingo ditudala musikaren plazera
zurekin konpartitzeko, Nagusitasunaren saria merezi izan duzu eta. Eusebio,
laguna, izarretan elkar ikusi arte!
EUGENIO ETXEBESTEK dio:
ErantzunEzabatuPertsona berezia galdu dugu, Guk, lagun bakarra, parerik gabe. Agur Eusebio, pribilegio izan da zure adiskidetasuna.
JESUS ARZAMENDIK dio
A ze jatorra, leiala, alaia, eta goxua zan!
Hunkigarria Josemari. Agur Eusebio!
ErantzunEzabatuMila esker hitz hauengaitik Joxe Mari
ErantzunEzabatuPertsona erabat irekixa, oso gertukua, jakiniminez beti, partekatzeko, entzuteko, laguntzeko... eta beti-beti irribarre haundixaz.
ErantzunEzabatuArrasate Press-en garaixan ezagutu nauen; edozertan laguntzeko prest euen beti, laguntzeko desietan esango neuke.
Galera haundi bat da. Besarkada haundi bat familixa eta lagunei.
Gogoratzen dut, orain dela urte asko ezagutu nuela, irratiko aitona ezizenez. Pertsona handia joan da, berezia, ezin politagoa barrutik! Egun handira arte!
ErantzunEzabatu