Uneoro informatzen zaigu garai txarrak bizi ditugula, zuzenean goazela hondamendi egoera batera, alderdi guztietan. Adimen artifizialetik erasotzen digute, meteorologia erotuta dago, gatazka armatuek, goseteak eta populazio handien deserriratzeak albistegietako berritasuna izateari utzi zioten aspaldi; eta etxeko animalien hazkunde esponentziala mendebaldeko etxeetan herritar berrien jaiotza-tasa itzuli ezineko mailan uzten ari da.
Baina garai txarrak ez dira eskuarki berez sortzen; giza jardunari estuki lotutako faktoreen mende daude, urrats bakoitzean gainerako gizakientzat gero eta irrazionalagoak eta arriskutsuagoak diren helburuak gainditzeko gutako bakoitzak duen berezko nahiaren mende. Hurkoa gehiago izorratzeko lasterketa bat da, nork bere burua nagusiagotzat jotzeak ematen duen boterearen bila.
Garai txarrez kexatzen bazarete, konponbide bat dago: izan zaitezte onak eta garai onak izango dituzue, zuek baitzarete garaia. Horixe predikatzen zuen San Agustinek, bere maskorrarekin itsasoko ura hondartzako zuloan sartu nahi zuen umearen istorioa ere kontatu zigunak. Hiponakoa filosofikoki zuzen egon zitekeela uste dut, baina ihardetsiko niokeen gizateriaren historia garai txarrez beteta dagoela toperaino, konponbiderako itxurarik gabe. Ez naiz ezkorra, beteranoa baizik.
Aupa Jose Mari. Bikaina zure pentsamendua.
ErantzunEzabatu"Elduak, beteranoak esperientzia akumulatu duten gazteak dira"
Eskerrik asko Josumari!
Ezabatu