Ustekabe atseginez beteriko goiza izan nuen
lehengo astean. Erosketak egiten ari nintzen Gasteizen, ezohiko toki batean. Hiruzpalau
denda desberdinetara sartu behar izan nuen eta, nire harridurarako, ormako
publizitatea euskaraz irakur zitekeen. Baita produktuen etiketetan ere. Kasu
batean euskara hutsez agertzen ziren mezuak eta besteetan lehentasuna ematen
zitzaion gure hizkuntzari. Ez da normal izaten - areago, kontrastez beteriko
Vitoria-Gasteiz hiriburuan- euskaldunon hizkuntzak horrenbeste arreta on
jasotzea, batez ere merkatal esparruan. 
Ez dakit kanpaina baten islapen hutsa den,
euskara ere badela erakustearren, edo motu proprio-ko ekimenaren ondorio
itxarongarria. Nik bigarrena nahiago nuke, jakina, baina kostatzen zait pentsatzea
saltoki internazionalen tokiko hizkuntzekiko sentsibilitatea hain maila
praktikora iritsi denik. Edozein modutan, txalogarria iruditu zitzaidan
emaitza.
Nire poza askoz handiagoa izango zen, ordea,
denda horietako pertsonala euskalduna izan balitz eta nirekiko harreman
komertziala euskaraz gauzatu ahal izan balute. Hurrengo baterako utziko dugu
zirkulua ixtea. Step by step.
iruzkinik ez:
Argitaratu iruzkina