Jakina ETB1i buruz ari naiz. Erdarazkoak – bat
ere axola ez zaidana- Franco jeneralaren heriotza aurreko osasun-oharretako
terminologia erabiliz, “mantiene las
constantes vitales” (gero erailea ere hil zen)
Euskaltzaleok amesten genuen telebista bat
diseinatu zen hastapenetan. Baina 1983an lehen emisioak izan zirenetik bidea
zailtasunez beterik egongo zirela ohartu ginen. Ez dut hitz egiteagatik hitz
egiten. Han nengoen ni, euskal trintxeretan, Martin Ugalderekin batera, 1985ean
Jaurlaritzara heldutako Ardanzaren morroien kontrako eztabaida dialektiko sutsuan. “Zer
esango dute Legebiltzarrean ETB (artean elebakarra) defizitarioa dela
dakitenean?” galdetu ziguten Spagnolo eta Garcia Egotxeaga txit argiek
desenbarkeko goiz haietako batean. “Euskaldunak
garela” ihardetsi zien Martinek, bilera itogarri hartatik aldenduz ate
danbateko batekin.
Hogeita hamabost urteren ondoren ETB1-k pena ematen du. Ez dago nondik
heldu, ez da saio bat ere salbatzen. Eta, kontuz, ez naiz
profesionalengatik kexatzen, nahikoa egiten baitute dituzten baliabide
murritzekin. Koronabirusa baino lehen zegoen gaixorik. Euskaltzaleok atera genuen ETB -Labayen, Azurza, Aranberri eta beste hamaika
lagun- eta abertzale monolingüek botako dute. Hau da, hau, batzuen aberria! Ba, ez nazatela euren multzoan sar.
Arrazoi osoa duzu, Josemari; oso interesgarria da zure gogoeta, beharrezkoa zure salaketa eta bidezkoa zure erreklamazioa
ErantzunEzabatueskerrik asko, Rafa. Besarkada bat
EzabatuEz duk arrazoi faltarik, Txema.
ErantzunEzabatuAupa Eusebio! Eutsi goiari!!
EzabatuGuztiz ados Josemarirekin. Lekutan dago aurreko mendeko laurogeiko hamarkadan Euskal Telebistak sortu zigun poza eta itxaropena!
ErantzunEzabatuEta eskertzen da erreferentziala den pertsona batek hain tinko eta garbi hitz egitea.
eskerrak zuri, lagun ezezaguna, irakurtzeagatik!!
EzabatuBueno,ezagunak gara, Txipi Ormaetxea nauzu. Gura barik agertu zen ezezagun gisa. Besarkada.
EzabatuTxipi ezagun horri, bejondeizula! Aupa bizitza.
Ezabatu